மாசு கட்டுப்பாடு வாரியம்

• அலுவலகத்தின் பெயர் மற்றும் முகவரி

மாவட்ட சுற்றுச்சூழல் பொறியாளர் அலுவலகம், தமிழ்நாடு மாசு கட்டுப்பாடு வாரியம், எண். 175L/10, பிளாட் எண். C2 & C4, பள்ளிவாசல் தெரு, அஞ்சல் அலுவலகம் அருகில், துறைமங்கலம், பெரம்பலூர் – 621 220.

• துறையின் முதன்மைத் தலைவர், தொலைபேசி எண் மற்றும் மின்னஞ்சல் முகவரி

மாவட்ட சுற்றுச்சூழல் பொறியாளர், 04328 – 244386, deepmb@tnpcb.gov.in.

• நிர்வாகஅமைப்பு

• நோக்கங்கள்

செயல்பாடுகள் :
நீர் (மாசு தடுப்பு மற்றும் கட்டுப்பாடு) சட்டம், 1974 (திருத்தங்களுடன்) மற்றும் காற்று (மாசு தடுப்பு மற்றும் கட்டுப்பாடு) சட்டம், 1981 (திருத்தங்களுடன்) ஆகிய சட்டங்களின் விதிகளின்படி, தமிழ்நாடு மாசு கட்டுப்பாட்டு வாரியத்தின் (TNPCB) முக்கிய செயல்பாடுகள் பின்வருமாறு:
• தொழிற்சாலைகள் அல்லது உற்பத்தி செயல்முறைகள், மாசுக் கட்டுப்பாட்டு உபகரணங்கள் ஆகியவற்றை ஆய்வு செய்து, காற்று மற்றும் நீர் மாசுபாட்டைத் தடுக்கவும், கட்டுப்படுத்தவும் அல்லது குறைக்கவும் தேவையான நடவடிக்கைகளை மேற்கொள்ளுமாறு அறிவுறுத்துதல்.
• கழிவுநீர் மற்றும் தொழிற்கழிவுநீர் சுத்திகரிப்பு நிலையங்களின் செயல்திறனை ஆய்வு செய்து, அவற்றில் தேவையான திருத்த நடவடிக்கைகளுக்கான திட்டங்கள் மற்றும் தொழில்நுட்ப விவரக்குறிப்புகளை பரிசீலனை செய்தல்.
• கழிவுநீர், தொழிற்கழிவுநீர் மற்றும் காற்று மாசுபடுத்திகளின் உமிழ்வுகளிலிருந்து மாதிரிகளை சேகரித்து, குறிப்பிட்ட அளவுருக்களுக்காக அவற்றை ஆய்வகத்தில் பகுப்பாய்வு செய்தல்.

இசைவாணை வழங்கல் (Consent Management):
தமிழ்நாடு மாசு கட்டுப்பாட்டு வாரியம் (TNPCB) இரண்டு நிலைகளில் இசைவாணை வழங்குகிறது:
• அமைப்பதற்கான இசைவாணை (Consent to Establish – CTE): புதிய தொழிற்சாலைகள் கட்டுமானப் பணிகளைத் தொடங்குவதற்கு முன், தொழிற்சாலை அமைவிடத்தின் தகுதியை மதிப்பீடு செய்து வழங்கப்படும் இசைவாணை.
• இயக்குவதற்கான இசைவாணை (Consent to Operate – CTO): தொழிற்சாலை மாசுக் கட்டுப்பாட்டு வசதிகளை நிறுவி, நிர்ணயிக்கப்பட்ட சுற்றுச்சூழல் தரநிலைகளைப் பூர்த்தி செய்த பின்னர் வழங்கப்படும் இசைவாணை.